QMDB TÓRAǴASY 663-BASPANA KILTIN TABYSTADY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna sapary barysynda «Zeket jáne qaıyrymdylyq» qorynyń «El úlesi – páterge» jobasy boıynsha 663-baspana kiltin tabystaý rásimine qatysty. 

Igi is-sharada Bas múftı Túrksib aýdany «Qaırat» meshitiniń ustazy Baýyrjan Bekjanovqa qyzmettik baspana kiltin tabystady. 

«Abaı atamyz «Ustazdyq etken jalyqpas, úıretýden balaǵa» degen. Alla úıinde dinı bilim berip, jamaǵattyń dinı saýatyn ashýǵa qosqan súbeli úlesińiz úshin alǵys aıtamyn. Jaratqan januıańyzǵa jar bolsyn» dedi Naýryzbaı qajy Taǵanuly. 

Igi sharaǵa Almaty qalasynyń bas ımamy Tólebı Dádiluly, ımamdar men aýdan jamaǵaty, aqsaqaldar qatysty.