QMDB TÓRAǴASY ÁBÝ-DABIDE ELShIMEN KEZDESTI (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Birikken Arab Ámirlikterine barǵan saparynda Ábý-Dabı qalasynda osy eldegi elshimiz Madııar Meńilbekovpen kezdesti. 

Kezdesýde elshi Bas múftıdi jýyrda ǵana Astana qalasynda uıymdastyrylǵan I halyqaralyq Quran jarysynyń sátti ótýimen quttyqtap, ıgi tilegin bildirdi. Elshi bul ıgi is-shara halyqaralyq baılanys pen áriptestik qarym-qatynasty arttyra túsýge oń yqpal etkenin atap ótti. 

Sonymen qatar ekijaqty kezdesýde Ábý-Dabı qalasynda Sharıǵı pátýalar keńesiniń uıymdastyrýymen «Ǵylymı jańalyqtarǵa sharıǵattyń kózqarasy: ádistemelik, praktıkalyq, moraldyq» taqyrybynda ótken halyqaralyq konferentsııada kóterilgen máseleler sóz boldy. Basqosý sońynda taraptar ekijaqty yntymaqtastyqty arttyrýǵa kelisti.

​Derekkóz: QMDB Baspasóz qyzmeti