QMDB TÓRAǴASY BAS MEShITTE AIT NAMAZYN JÚRGIZIP, ÝAǴYZ AITTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly respýblıkalyq Bas meshitte aıt namazyn júrgizip, jamaǵatqa ýaǵyz aıtty.

QMDB Tóraǵasy musylman qaýymyn aıt merekesimen quttyqtaı kele: «Islamda árbir qulshylyqtyń maqsaty – musylman balasyn Allaǵa jaqyn etý. Sol sekildi Ramazan aıynda ustaıtyn oraza da adamdy taqýalyqqa tárbıeleıdi. Nápsimen ǵana kúresetin aılardyń sultanynda kóp qulshylyq, adamdarǵa jaqsylyq jasaýǵa tyrysamyz. Al Ramazan aıynyń negizgi maqsaty oryndalýy úshin ómir súrý saltymyz, kúndelikti daǵdymyz bul aıdan keıin de ózgermeýi kerek. «Naǵyz Ramazan oraza bitkennen keıin bastalady» dep beker aıtylmaǵan. Ártúrli kúnádan, jaman ádetterden aýlaq bolýǵa tıispiz. Sondaı-aq orazamyzdyń qabyl bolýyn udaıy tilep, kelesi Ramazanǵa aman jetýdi Jaratqannan suraǵanymyz abzal. Shama kelgenshe aptasyna bir-eki kún, Arapa, Ashýra kúnderi oraza ustaý, eń bastysy minezimizdiń kórkem bolýy osy Ramazannyń jemisi bolmaq» dedi.

​