QMDB TÓRAǴASY BAÝYRLAS ELDERDIŃ MÚFTILERIN QURMETPEN ShYǴARYP SALDY

Bas múftı Naýryzbaı qajy Taǵanuly elordanyń halyqaralyq áýejaıynan Túrki memleketteri uıymy Múftıler alqasynyń V májilisine kelgen Túrkııa men Qyrǵyzstan múftılerin qurmetpen shyǵaryp saldy.

Túrkııa Din isteri basqarmasynyń tóraǵasy, professor Alı Erbash pen Qyrǵyzstan musylmandary dinı basqarmasynyń tóraǵasy Abdýlazız qajy Zakırov Bas múftı Naýryzbaı qajy Taǵanuly bastaǵan múftııat ujymyna, elimizdiń ımamdaryna, qazaq halqyna qonaqjaılyǵy úshin alǵys aıtyp, rızashylyǵyn bildirdi. QMDB Tóraǵasy baýyrlas elderdiń múftılerine aqjol tilep, bul sapardyń rýhanı baılanysymyzdyń arta túsýine aıryqsha yqpal etetinin atap ótti.

Aıta keteıik, Bas múftı Naýryzbaı qajy Taǵanulynyń bastamasymen Astana tórinde Túrki memleketteri uıymy Múftıler alqasynyń V májilisi ótken bolatyn. Baýyrlas elderdiń múftıleri alqa májilisimen qatar «Qoja Ahmet Iasaýı jáne onyń rýhanı murasy» taqyrybynda uıymdastyrylǵan halyqaralyq ǵylymı-teorııalyq konferentsııaǵa da qatysty.

​