QMDB tóraǵasy Ǵulamalar keńesiniń jumysyn qorytyndylady (FOTO)

Bas múftı Naýryzbaı qajy Taǵanuly Atyraý qalasynda ótken Ǵulamalar keńesiniń kezekti HHIH májilisiniń jumysyn qorytyndylady.

«Ǵulamalar keńesiniń HHIH májilisiniń kún tártibinde 4 kontseptýaldy qujat pen 5 pátýa talqylandy. «Úzdiksiz bilim berý» tujyrymdamasy, «Musylmannyń áleýmettik jelini qoldaný ádebi», «Islamdaǵy jastardyń tulǵalyq beınesi», «Zeket jınaý mádenıeti» syndy qujattar men «Ekpe egý úkimi», «Tólem kartalaryn qoldaný úkimi», «Saqtandyrý qyzmeti úkimi», «Balany qamqorlyqqa alý úkimi» sekildi pátýalardy ǵulamalarymyz jan-jaqty talqylady. Ǵulamalar keńesi ashyq pikir alańy bolǵandyqtan, ǵalymdarymyz óz oılaryn ashyq aıtyp, ýájin dálelmen jetkizip, daýys berý tártibimen pátýa qabyldady», - dedi jýrnalısterge bergen suhbatynda Bas múftı Naýryzbaı qajy Taǵanuly.

Jýyrda pátýa mátini Qazaqstan musylmandary dinı basqarmasynyń resmı saıtynda jarııalanady.