QMDB TÓRAǴASY HALYQARALYQ KONFERENTsIIaǴA QATYSTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkııa Din isteri basqarmasynyń bastamasymen ótken halyqaralyq konferentsııaǵa onlaın rejımde qatysty.

Gaza sektoryndaǵy jaǵdaıǵa baılanysty ótken halyqaralyq konferentsııada din qaıratkerleri baıandama jasady.

Aıta ketsek, jýyrda Palestına, Mysyr Arab Respýblıkasy, Katar, Oman Sultandyǵy, Birikken Arab Ámirlikteri, Marokko Koroldigi, Lıbııa, Kýveıt, Aljır, Saýd Arabııasy Koroldigi, Iordanııa, Irak memleketteriniń Qazaqstandaǵy Tótenshe jáne ókiletti elshileri men resmı ókilderi Qazaqstan musylmandary dinı basqarmasynda bolyp, Joǵary mártebeli, Memleket basshysy Qasym-Jomart Toqaevtyń Palestınadaǵy jaǵdaıǵa qatysty aıtqan sózin, jalpy qazaq eliniń ustanymyn joǵary baǵalaıtyndyqtaryn jetkizdi. Múftııattaǵy bul basqosý musylman úmbetiniń bir ekenin, Palestınadaǵy jaǵdaıǵa beı-jaı qaramaıtynyn taǵy bir ret dáleldedi.

Qazaqstan musylmandary dinı basqarmasy buqaralyq aqparat quraldarynda jarııalaǵan resmı málimdemesinde Palestına halqynyń halyqaralyq kelisimder men rezolıýtsııalarda bekitilgen tarıhı quqyǵyn qoldaıtyndyǵyn málimdedi. Búginde Qazaqstan halqy juma namazdarynda Palestına halqy úshin úzdiksiz duǵa jasaýda.

​​Derekkóz: QMDB Baspasóz qyzmeti