QMDB tóraǵasy Mańǵystaý ımamdarymen júzdesti (FOTO)
QMDB tóraǵasy, Bas múftı Naýryzbaı qajy Taǵanuly Mańǵystaý oblysyna sapary barysynda óńir ımamdarynyń qatysýymen ótken semınarǵa qatysty.
Bas múftı ımamdarǵa din qyzmetkeriniń qazirgi tańdaǵy ımıdjine basa mán berý kerektigin erekshe atap ótti.
«Imamdyq qyzmetke kún ótken saıyn jaýapkershilik te, talap ta kúsheıdi. Meshit ımamdary Qazaqstan musylmandary dinı basqarmasynyń aınasy. Sondyqtan kıim kııý jáne sóıleý Etıkasyna mán berý kerek. Jumys tártibine qatysty aıtarym, únemi áreket etip, úgit-nasıhat jumystaryn kúsheıtý kerek. Qandaı resýrs bolsa, oqyrman sanyn sonshalyqty kóbeıtken jón. Imam eshqashan ótirik aıtpaıtyn, eshkimdi aldamaıtyn, senimdi adam bolýy tıis», – dedi Bas múftı.
Sonymen birge, Naýryzbaı qajy Taǵanuly ımamdardy jamaǵatpen árdaıym jaqsy qarym-qatynasta bolýǵa úndedi. Al Mańǵystaý oblysynyń bas ımamy Ánýar Eljanov óńirdegi dinı ahýal týraly baıandap, pandemııa kezindegi din qyzmetkerleriniń atqarǵan jumysy men qaıyrymdylyq sharalary, sondaı-aq, Dinı basqarmanyń 30 jyldyǵyna oraı josparlanǵan is-sharalardyń qalaı júzege asyp jatqandyǵy jóninde esep berdi.
