QMDB TÓRAǴASY MYSYR ELShISIMEN KEZDESTI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasynyń Qazaqstandaǵy Tótenshe jáne Ókiletti Elshisi Ibtıssam Rakha Ahmed Hasan hanymmen kezdesti.

Kezdesýde eki el arasyndaǵy tarıhı-mádenı hám rýhanı saladaǵy qarym-qatynas sóz boldy. Elshini Qazaqstandaǵy jańa mıssııasynyń bastalýymen quttyqtaǵan QMDB Tóraǵasy ıgi nıetin jetkizip, jumysyna sáttilik tiledi.

«Bizdiń Sultan Beıbarys babamyz óz zamanynda Islam dinin órkendetýge súbeli úles qosty. Beıbarys babamyzdyń álemdik deńgeıdegi tulǵasy eki eldiń tarıhı baılanysynyń altyn tuǵyryna aınaldy. Sonymen qatar búginde «Nur-Múbárak» ýnıversıteti eki eldiń dinı saladaǵy altyn kópirine aınaldy. Bizdiń halqymyzda: «Eldestirmek – elshiden» degen naqyl sóz bar. Siz baýyrlas elderdiń baılanysyn arttyrýǵa oń yqpal etýge kúsh-qaıratyńyzdy jumsaı beresiz degen senimdemin» dedi Bas múftı Naýryzbaı qajy Taǵanuly.

Kezdesý sońynda taraptar dinı aǵartý, bilim salasyndaǵy ózara áriptestik baılanysty arttyrýǵa ýaǵdalasty.

​