QMDB tóraǵasy naıb múftıdiń qyzmetine sáttilik tiledi (FOTO)

Almatyǵa barǵan saparynda QMDB Tóraǵasy, Bas múftı Naýryzbaı qajy Taǵanuly jýyrda ǵana naıb múftı bolyp taǵaıyndalǵan Kenjeáli Myrzabaevty Almaty qalasyndaǵy jumys kabınetimen tanystyryp, jańa qyzmetine tabys tiledi.

«Siz buǵan deıin din salasynda kóptegen qyzmetter atqaryp, eldiń yqylasyna bólendińiz. Ásirese mádenıet salasynyń ókilderi, qalamgerler ózińizdi jaqsy qurmetteıdi. Osy baǵyttaǵy jumysyńyz jandana bersin. Dinı saladaǵy mol tájirıbeńiz Qazaqstan musylmandary dinı basqarmasynyń jumysyna serpin beredi degen senimdemiz. Alla qyzmetińizdi berekeli etsin!» dedi Naýryzbaı qajy Taǵanuly.

Aıta keteıik, QMDB-nyń kezekti Apparat jıynynda Bas múftı Naýryzbaı qajy Taǵanuly Kenjeáli Myrzabaevty naıb múftı qyzmetine taǵaıyndap, Dinı basqarma ujymyna tanystyrǵan bolatyn.

​