QMDB tóraǵasy onlaın rejımde ýaǵyz aıtty (VIDEO)
Búgin QMDB tóraǵasy, Bas múftı Naýryzbaı qajy Taǵanuly HIKMET TV stýdııasynyń Youtube jelisindegi kanalynan tikeleı Efırde nasıhat aıtty.
Onlaın rejımde ótken Bas múftıdiń juma nasıhaty «Islam – tazalyq dini» taqyrybynda órbidi. QMDB Tóraǵasy sóz basyn elde bolyp jatqan tótenshe jaǵdaı jaıly aıtyp-túsindirýden bastady.
Odan ári meshitterde juma jáne jamaǵatpen oqylatyn namazdardy oqymaýǵa qatysty musylman elderi shyǵarǵan pátýaǵa, sondaı-aq osy máselege qatysty múftııattyń shyǵarǵan pátýasyna toqtaldy. Naýryzbaı qajy Taǵanuly bul pátýanyń jamaǵatty juqpaly aýrýdan saqtandyrý maqsatynda shyǵarylǵanyn alǵa tartyp, túsinistikpen qabyldaýǵa shaqyrdy. Bas múftı sondaı-aq jurtshylyqty sabyrǵa shaqyryp, indettiń aldyn alý úshin tazalyq saqtap júrýge, salaýat, duǵa, sadaqa jasaý, keshirim tileý, qaıyrymdylyq sekildi saýapty amaldar jasaýǵa úndedi.
Sóz sońynda Naýryzbaı qajy Taǵanuly juqpaly dertpen kúresip jatqan dárigerlerge alǵys aıtyp, naýqastarǵa shıpa tiledi. Eldiń amandyǵy, jurttyń tynyshtyǵy jáne atyshýly indettiń beti qaıtyp, meshitterdiń qaıtadan jamaǵatqa tolýy úshin Alla Taǵalaǵa duǵa etti.
