QMDB TÓRAǴASY ÓZBEKSTAN MÚFTIIN ÁÝEJAIDAN ARNAIY KÚTIP ALDY
Elordaǵa Bas múftı Naýryzbaı qajy Taǵanulynyń shaqyrýymen Ózbekstan musylmandary dinı basqarmasynyń tóraǵasy Nýrıddın Holıknazar keldi. Qurmetti meımandy Astana halyqaralyq áýejaıynan QMDB Tóraǵasy qazaqy dástúrge saı kútip aldy.
Áýejaıda delegatsııaǵa dám usynylyp, múftıler ózara jaǵdaı surasyp pikir almasty. Óz kezeginde Naýryzbaı qajy Taǵanuly shaqyrtýyn qabyl alyp kelgen ózbek eliniń múftıine rızashylyǵyn bildirdi.
Aıta keteıik, erteń, 3 qazan kúni QMDB-nyń uıymdastyrýymen Astana qalasynda Túrki memleketteri múftıler alqasynyń V Májilisi ótedi. Alqaly jıynda birqatar qujattar qabyldanyp, Bas múftılerdiń ózara jeke kezdesýleri ótedi dep josparlanýda.
