QMDB tóraǵasy Ózbekstan múftıin jańa qyzmetimen quttyqtady
QMDB Tóraǵasy Naýryzbaı qajy Taǵanuly Nýrıddın Holıknazarovqa Ózbekstan musylmandary basqarmasynyń tóraǵasy bolyp saılanýyna oraı quttyqtaý jedelhatyn joldady.
Bas múftı Naýryzbaı qajy Taǵanuly Nýrıddın Holıknazarovty din salasyndaǵy kópjylǵy tájirıbesi men izgi isterine toqtala kelip, ıgi tilegin bildirdi.
«Siz ımamdyq qyzmette júrip Islam janashyryna aınaldyńyz. Asyl dinimizdi nasıhattaýǵa súbeli úles qostyńyz. Marqum Ýsmonhon Alımov hazirettiń ıgi isin jalǵastyryp, izgi bastamalardy júıeli túrde iske asyratynyńyzǵa senemin.
Eki el arasyndaǵy rýhanı baılanystyń altyn kópiri bolatynyńyzǵa senimdimin. Aldaǵy ýaqytta asyl dinimizdiń damýyna, eki el arasyndaǵy baılanysty nyǵaıtýǵa birlese úles qosamyz degen úmittemin» delingen quttyqtaý hat mátininde.
Eske sala keteıik, Tashkent aımaǵynyń bas ımamy qyzmetinde bolǵan tájirıbeli din mamany Nýrıddın Holıknazarov Ózbekstan múftıi bolyp saılandy. Al buǵan deıin Ózbekstan musylmandary basqarmasynyń tóraǵasy qyzmetin atqarǵan Ýsmonhon Alımov birer aı buryn 71 jasynda dúnıeden ótti.
