QMDB tóraǵasy qaıyrymdylyq mekemesiniń ashylýyna qatysty (FOTO)

QMDB Tóraǵasy, Bas múftı Naýryzbaı qajy Taǵanuly Túrkistan oblysyna sapary barysynda Tólebı aýdanynyń Zaǵambar eldi mekenindegi «Shahı Mansur» qaıyrymdylyq mekemesiniń  ashylýyna qatysty.

Igi is-shara Qasıetti Quran Kárim oqýmen bastalsa, alǵashqy bolyp Bas múftı quttyqtaý sóz sóıledi.

«Búgin qasıetti Tólebı tórinde taǵy bir jaqsylyqtyń kýási bolyp otyrmyz. Allanyń kálámi Qasıetti Quran kárimdi oqytyp bolashaq qarılar men ǵulamalar shyǵatyn berekeli mekeme bolǵaı» dep ıgi tilegin bildirdi Bas múftı Naýryzbaı qajy Taǵanuly.

QMDB Tóraǵasy osy qaıyrymdylyq mekeme basshysyna káde syılyq jáne atalmysh ǵımarattyń salynýyna atsalysqan birqatar azamattarǵa alǵys hat tabys etti.

Sondaı-aq  jıynǵa Túrkistan oblysynyń bas ımamy Erkebulan Ybyraıuly jáne Tólebı aýdanynyń máslıhat hatshysy Nurlan Hamzauly qatysyp, ıgi nıetin jetkizdi.