QMDB tóraǵasy Qazaqstan jáne Astana mıtropolıti aleksandrmen suhbattasty (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly elimizdegi Orys pravoslavıe shirkeýiniń Qazaqstan jáne Astana mıtropolıti Aleksandr bastaǵan delegatsııany qabyldady.

Kezdesýde taraptar elimizde qalyptasqan dinaralyq tatýlyq pen kelisim, ultaralyq dostyq pen birlikti nyǵaıtýdyń mańyzy týraly áńgimelesti. Sonymen qatar, taraptar adamgershilik qundylyqtardy nasıhattaý jaıly pikirlerin ortaǵa saldy. Din basshylary halyqty izgilikke, adamgershilikke shaqyryp, eldiń birligin nyǵaıtý jolynda birlese jumys isteý qajettigin sóz etti.

Óz kezeginde Qazaqstan jáne Astana mıtropolıti Aleksandr Bas múftıdi jańa qyzmetimen quttyqtap, ıgi bastamalaryna sáttilik tiledi.