QMDB tóraǵasy qajylyq jáne otandyq týrızmdi oqytý ortalyǵynyń ashylýyna qatysty (FOTO)
Bas múftı Naýryzbaı qajy Taǵanuly Túrkistan qalasynda Qoja Ahmet Iasaýı meshitinde Qajylyq jáne otandyq týrızmdi oqytý ortalyǵynyń ashylýyna qatysty.
«Darhan Dala Travel» týrıstik fırmasynyń dırektory Bektemir Ysqaqov Bas múftıge ortalyqtyń jumys josparyn baıandap berdi. Onyń aıtýynsha, ortalyq qajylyqqa jáne elimizdegi, sheteldegi kıeli oryndarǵa barýǵa nıet etken azamattardy oqytýmen, olarǵa tıisti nusqamalar berýmen aınalysady.
Aıta ketsek, keshe Bas múftı Naýryzbaı qajy Taǵanuly Túrkistan qalasynda oblystyq óńirlik kommýnıkatsııalar qyzmetinde ótken brıfıngte Qazaqstan musylmandary dinı basqarmasy «Darhan Dala» jobasyn iske qosqanyn málimdegen bolatyn. Bul jobany «Darhan Dala Travel» týrıstik fırmasy júzege asyrady. «Darhan Dala Travel» týrıstik fırmasy birneshe baǵyt boıynsha jumys isteıdi. Atap aıtqanda, sheteldegi jáne elimizdegi kıeli oryndarǵa zııarat, densaýlyq, Ekotýrızm baǵyty boıynsha týr uıymdastyrady.
