QMDB tóraǵasy Qosobada meshit qazyǵyn qaqty (FOTO)

Bas múftı Naýryzbaı qajy Taǵanuly Batys Qazaqstan oblysyna jasaǵan saparynda Syrym aýdany Qosoba aýylynda salynatyn jańa meshittiń qazyǵyn qaqty.

Saltanatty izgi is-sharada Bas múftı Naýryzbaı qajy Taǵanuly: «Meshit – kúlli jaqsylyqtardyń toǵysqan meıirimdilik mekeni. Adam balasy meshitten rýhanı kúsh alyp qana qoımaı, bilim alady. Muqtaj janǵa kómektesip, onyń alǵysyna bólenedi. Osylaısha qoǵamda baýyrlastyq, meıirim syndy adamdyq qasıetter saltanat qurady. Alla Taǵala barshamyzdy osy meshittiń ashylýynda júzdesýdi jazǵaı. Jaratýshy Iemiz osy meshitti halyqtyń ıgiligi men birligine qyzmet etýin násip etkeı», – dedi.

Igi basqosýda Bas múftı Alla úıin turǵyzýǵa bastamashyl bolǵan belgili aqyn Baýyrjan Halıollaǵa izgi nıetin bildirdi. Saltanatty is-sharada aqyn Muhamedjan Tazabekov te quttyqtaý sózin jetkizdi. Meshit qazyǵyn qaǵý aldynda qurban shalynyp, duǵa jasaldy.

Aıta ketsek, Qosoba aýylynda salynatyn meshit 200 adamǵa arnalǵan.