QMDB tóraǵasy Qostanaıda respýblıkalyq konferentsııaǵa qatysty (FOTO)
Búgin Bas múftı Naýryzbaı qajy Taǵanuly Qostanaı qalasynda «Islam – yntymaq pen birlik dini» jyly aıasynda uıymdastyrylǵan «Beıbitshilik pen kelisim – qasterli uǵym» respýblıkalyq konferentsııasyna qatysty.
Alqaly jıynda baıandama jasaǵan Naýryzbaı qajy Taǵanuly: «Qazirgi álemdegi kún saıyn qubylǵan ustanymdar men turaqsyzdyq qazaq halqynyń «Kúshengen jeńbeıdi, kúshi kóp jeńedi» degen maqalynyń ómirsheńdigin dáleldedi. Rasynda, halqymyz aıtqandaı, «birligi bar eldiń belin eshkim syndyrmas».
Biz úshin eń mańyzdysy – ár azamattyń Táýelsizdik ıgiligin sezine alýy. Onyń basty kórinisi – eldegi beıbit ómir, qoǵamdaǵy turaqtylyq pen tynyshtyq. Búginde «Bir kún urys bolǵan úıden qyryq kún bereke ketedi» degen maqaldyń mánin tereń túsinetin kez jetti», – dedi.
Konferentsııada A.Baıtursynuly atyndaǵy Qostanaı óńirlik ýnıversıtetiniń ǵalymdary men QMDB Aqsaqaldar keńesiniń osy osy óńirdegi músheleri tatýlyq jaıly taǵylymdy baıandama jasady.
