QMDB TÓRAǴASY QURAN BAIQAÝYNYŃ AShYLÝ RÁSIMINE QATYSTY (FOTO)

28 qyrkúıek 2022 2138 0
Оqý rejımi

Búgin Qyzylorda qalasyndaǵy «Aqmeshit-Syrdarııa» meshitinde  Quran Kárimdi jatqa jáne mánerlep oqýdan HI respýblıkalyq baıqaýynyń ashylý rásimi ótti.

80 úmitker qatysyp jatqan baıqaýdyń ashylý rásimine QMDB Tóraǵasy, Bas múftı Naýryzbaı qajy Taǵanuly qatysyp, qarılarǵa sáttilik tiledi. Qasıetti Quran Kárim oqylyp, Bas múftı duǵa jasady.

«Barshańyzǵa Allanyń amandyǵy men bereketin tileımin. Rabbymyz búgingi ıgi sharamyzdyń sátti ótýin násip etsin. Alla Taǵala Syr eline basyp kelgen qadamdaryńyzǵa mol saýaptan jazsyn. Bul baıqaý sizderge úlken jiger beredi dep senemin. Allaǵa shúkir, Qazaqstan musylmandary dinı basqarmasynyń uıytqy bolýymen jyl saıyn turaqty túrde Quran baıqaýy ótkizilip keledi. Bul is-sharalar elimizden kóptegen qarıdyń shyǵýyna yqpal etýde.

Osy baıqaýǵa qatysýdyń ózi úlken jeńis dep oılaımyn. Qarıy bar otbasy, qoǵam baqytty. Barshańyzǵa osy baıqaýda sáttilik tileımin. Alla razy bolsyn!» dedi Naýryzbaı qajy Taǵanuly.

Baıqaýǵa elimizge belgili qarılar Sádýaqas Oljabaev (tóraǵa), Danııar Jumabaev, Ersin Ámire, Serik Ahmetov, Murtaza Balahmet qazylyq etýde.

Aıta keteıik, eki kúnge sozylatyn baıqaý «Munara TV» telearnasynan, «Mýftııat QMDB» YouTube-arnasy men múftııattyń Instagram-daǵy @muftiyatkz resmı paraqshasynan tikeleı Efırde kórsetilýde.

Источник: Aidos

Pіkіrler Kіrý