QMDB tóraǵasy Quran jattaý ortalyǵy qyzdar bóliminiń alǵashqy kirpishin qalady (FOTO)

Búgin QMDB tóraǵasy, Bas múftı Naýryzbaı qajy Taǵanulynyń Túrkistan oblysyna resmı sapary Kentaý qalasynda jalǵasyn tapty. Bas múftı aldymen «Balabı qarı» Quran jattaý ortalyǵynyń oqý bazasymen tanysty. 

Munda 80 ul men qyz qarılyqqa oqyp jatyr. Ǵımarat zaman talabyna saı jabdyqtalǵan, namazhanasy, jatyn oryny barlyǵy bir ǵımarat ishinde ornalasqan, oqýshylardyń densaýlyǵy dárigerdiń baqylaýynda. Bas múftıge bilim oshaǵynyń tynys-tirshiligin ortalyq dırektory Arman Qýanyshbaev baıandap berdi. 

Qazir bas korpýs janynan qyzdarǵa arnalǵan oqý ǵımaraty boı kóterip jatyr. Bas Múftı Naýryzbaı qajy Taǵanuly jańa nysannyń alǵashqy kirpishin óz qolymen qalady. Arman Qýanyshbaev pen demeýshilerge rızashylyǵyn bildirip, jas shákirtterge aq batasyn berdi. 

«Quran jattaý ońaı sharýa emes. Yjdaǵattylyq pen yqylas bolsa, 5 jylda qarı atanýǵa bolady. Quran jattaýda tabandylyq qajet. Elge jáne dinge paıdaly bilim alýlaryńyzǵa tilektespin» dedi Bas múftı.