QMDB TÓRAǴASY RESPÝBLIKALYQ KONFERENTsIIaǴA QATYSTY (FOTO)

Shymkent qalasyna jumys saparymen barǵan Bas múftı Naýryzbaı qajy Taǵanuly «Arystan bab jáne ıhsan taǵylymy» taqyrybynda ótken respýblıkalyq ǵylymı-tanymdyq konferentsııaǵa qatysty.

Konferentsııa jumysynda baıandama jasaǵan Bas múftı Naýryzbaı qajy Taǵanuly: «Ózderińiz jaqsy bilesizder, sońǵy kezderi Qazaqstan musylmandary dinı basqarmasy qazaq dalasynan shyqqan din qaıratkerleri men ǵulamalarynyń ónegeli ómirin, ıhsan ilimin barynsha halyqqa nasıhattap keledi. Búgingi basqosýymyz sonyń taǵy bir aıǵaǵy dep atar edim. Bizdiń baıyrǵy babalarymyz Islamnyń damýyna ózindik úlesin qosyp ketti. Solardyń biri búgingi konferentsııa taqyrybyna arqaý bolǵan ustazdardyń ustazy – Arystan bab. Ol – Qazaqstan men Ortalyq Azııa aýmaǵynda Islam dininiń taralýyna yqpal etken, Islamnyń sopylyq baǵytynyń negizin salýshylardyń biri jáne Túrkistan, Saıram, Otyrar óńirlerindegi sopylardyń rýhanı ustazy bolǵan belgili tarıhı tulǵa. Endigi maqsat – osyndaı tulǵalarymyzdy jastar arasynda kóbirek nasıhattaý. Óıtkeni tarıhyn tanyǵan, dástúrin bilgen adam óziniń ulttyq qundylyqtaryna qarsy shyqpaıdy. «Halyqty oıatqyń kelse, onyń tarıhyn oıat» degen sóz tekke aıtylmasa kerek», – dedi.

Aıta ketsek, «Kórme» ortalyǵynda ótken konferentsııaǵa Shámshádın Kerim, Dosaı Kenjetaı, Tóráli Qydyr, Muhıtdın Isauly syndy ǵalymdar qatysyp, baıandama jasady.