QMDB tóraǵasy «Saryaǵash» medrese-kolledjiniń jumysymen tanysty (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan oblysynyń Saryaǵash aýdanynda ornalasqan «Saryaǵash» medrese-kolledjiniń tynys-tirshiligimen tanysty.
Kezdesýge QMDB-nyń Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Bektazınov, Túrkistan oblysynyń bas ımamy Musabek Aqtamberdi, Shymkent qalasynyń bas ımamy Baqdáýlet Abdrahmanovtar qatysty.
Aldymen Bas múftı elimizge belgili dintanýshy-ǵalym marqum Ábdiǵappar Smanovtyń rýhyna Quran baǵyshtap, duǵa jasady. Odan keıin jýyrda ǵana «Saryaǵash» medrese-kolledjiniń dırektory qyzmetine taǵaıyndalyp, jumysyna kirisken Dinmuhammed Smanovtyń atqaryp jatqan jumystary men josparlary týraly qysqasha baıandamasy tyńdaldy.
Sondaı-aq, kezdesý barysynda Bas múftı Naýryzbaı qajy Taǵanuly shákirtterge, jalpy jastarǵa bilim alýdy, bos ýaqytty tıimdi paıdalanyp sportpen shuǵyldanýdy, tabıǵatty aıalaýdy, ata-anany qurmetteýdi, túrli teris ádetten aýlaq bolýdy, t.b. asyl qasıetterdi boıǵa sińirip, amal etýge shaqyrdy.Sonymen qatar medrese-kolledjdiń ujymyna shákirtterge sapaly bilim berýi tapsyrdy.
