QMDB tóraǵasy Saıramda 4 baspana kiltin tabys etti (FOTO)

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan oblysy, Saıram aýdanynyń Arys aýylynda «El úlesi – páterge» aktsııasynyń 273, 274, 275 jáne 276-shy baspana kiltin tabystaý sharasyna qatysty.

Aldymen Bas múftı «El úlesi – páterge» aktsııasynyń mán-mańyzyna toqtalyp, kóp jyldan beri baspana taýqymetin tartyp júrgen jandarǵa qutty bolsyn aıtyp, berekeli qonys bolýyn tiledi. Baspana kiltin tabys etip, óz atynan gaz plıtasyn syılap, batasyn berdi.

Munda berilgen ár úıdiń jer kólemi 8-10 sotokty quraıdy. Úıdiń bólmeleri keń ári jaıly. Barlyq jaǵdaı qarastyrylǵan: ashana, jatyn bólme, dárethana men ǵusylhanasy bar. Sonymen qatar, úıdiń aýlasy qorshalyp, temir qaqpasy ornatylǵan.

Aıta ketsek, atalmysh úıdiń qurylysyna Túrkistan oblysynyń bas ımamy Musabek Aqtamberdiniń bastamasymen QMDB-nyń Túristan oblystyq  «Zeket» qory ókildigi, aýdandyq ortalyq meshittiń jamaǵaty qoldap, demeýshilik etip, az ýaqytta paıdalanýǵa berildi.