QMDB tóraǵasy Tatarstan múftıimen kezdesti (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qazan qalasyna barǵan resmı sapary barysynda Tatarstan múftıi Kamıl Samıgýllınmen kezdesti.

Kezdesýde qazaq, tatar halyqtarynyń tarıhı, rýhanı baılanysy sóz boldy. Sonymen qatar aqparat jyldam tarap jatqan qazirgi zamanda osy sala boıynsha birlesken jobalardy júzege asyrýdyń mańyzy talqylandy. Naýryzbaı qajy Taǵanuly bul rette dinı kontent almasý qajettigin atap ótti.

Sondaı-aq kezdesýge qatysqan Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń tóraǵasy Bolat Serǵazyuly ortalyqtyń jumysy jaıly baıandap ótti. Basqosý sońynda taraptar ortaq jobalar boıynsha yntymaqtastyqty arttyrýǵa ýaǵdalasty.