QMDB tóraǵasy Túrkııa múftıimen kezdesti
Qazaqstan musylmandary dinı basqarmasynyń tóraǵasy Serikbaı qajy Oraz Máskeý qalasynda ótken "Islam jahandyq álemde: musylmandyq mıras pen mádenıetaralyq dıalog" atty halyqaralyq konferentsııa aıasynda Túrkııa Din isteri basqarmasynyń tóraǵasy, professor, doktor Álı Erbashpen kezdesti.
Kezdesýde baýyrlas elderdiń rýhanııat salasyndaǵy baılanysy sóz boldy. Sonymen qatar, taraptar Qazaqstan jáne Túrkııa musylmandary dinı basqarmalary arasynda qabyldanǵan áriptestik memorandým aıasynda júzege asyp jatqan jobalardy talqylady. Atap aıtqanda, din qyzmetkerleriniń bilimi men tájirıbesin arttyrýǵa baǵyttalǵan ortaq kelisim týraly sóz boldy.
Óz kezeginde Bas múftı Serikbaı Satybaldyuly Qazaqstan musylmandary dinı basqarmasyna jan-jaqty qoldaý kórsetip kele jatqan Álı Erbashqa, Túrkııa Din isteri basqarmasy ujymyna aıryqsha alǵys bildirdi.
Kezdesý sońynda aldaǵy aptada Bas múftıdiń Túrkııaǵa jasaıtyn resmı sapary pysyqtaldy.
