QMDB tóraǵasy juma namazyn júrgizdi (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly  Qaraǵandy oblysy Nura aýdany Ahmet aýyldyq meshitinde juma namazyn júrgizip, jamaǵatqa ýaǵyz aıtty.

Bas múftı Táýelsizdiktiń baǵa jetpes baılyq ekenin aıta kelip, adamdardy qoǵamǵa úles qosyp, jaqsylyqqa jaq bolýǵa shaqyrdy. QMDB Tóraǵasy «Jasyl aımaqta» turǵan eldimekenderde juma namazyn oqýǵa ruqsat berile bastaǵanyn, alaıda COVID-19 indetiniń taralý qaýpi áli de seıilmegenin aıtyp, meshitke kelgende sanıtarlyq talaptardy qatań saqtaý qajettigin jamaǵattyń esine saldy.

Aıta keteıik, Ahmet aýyldyq meshitine juma namazyna jınalǵan jamaǵat sanıtarlyq talaptardy saqtap, qulshylyǵyn ótedi.