QMDB tóraǵasy «Jýsan» operatsııasymen elge oralǵan áıelderge nasıhat aıtty (FOTO)

Búgin Batys Qazaqstan oblysyna resmı saparmen barǵan Bas múftı Naýryzbaı qajy Taǵanuly ortalyq meshitte «Jýsan» operatsııasymen elge oralǵan qyz-kelinshektermen suhbattasyp, suraqtaryna jaýap berdi.

«Halqymyz «Adasqannyń aıyby joq, qaıtyp úıirin tapqan soń» deıdi. Qatelikten sabaq alyp, ómirimizdi ózgertý – adamdyq isimiz. Allaǵa shúkir, pátýa beretin múftııatymyz bar. Ǵalymdarymyz dinı tereń suraqtarǵa jaýap berýde. Dinı basqarma janyndaǵy aqparat berý ortalyǵy táýlik boıy qyzmet etýde. Memleketimiz kez kelgen kezeńde qandaı jaǵdaı bolmasyn óz azamattaryna qamqorlyq tanytyp keledi.

Qatelik jasaý adam tabıǵatyna tán qubylys bolǵandyqtan, pende «men qatelik jasadym» dep úmitsizdikke salynbaý kerek. Kerisinshe, keleshegi jaqsy bolatynyna úmit artyp, jaqsylyǵyn kútý qajet.

Úmit etýdiń bir ǵana joly bar. Ol – Alla Taǵalaǵa shynaıy túrde ıman keltirip, keleshekke senimmen qaraý. Dinı basqarma sizderge árqashan kómek qolyn sozýǵa daıyn», – dep atap ótti.

Kezdesýge qatysqan qyz-kelinshekter Bas múftıge saýal qoıyp, ótinish-tilekterin jetkizdi.