QMDB tóraǵasynyń orynbasary Halyqaralyq onlaın konferentsııaǵa qatysty (FOTO)

27 qarasha 2020 257 0
Оqý rejımi

QMDB Tóraǵasynyń orynbasary, naıb múftı Ershat Aǵybaıuly Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy uıymdastyrǵan halyqaralyq konferentsııaǵa qatysty.

«Ortalyq Azııanyń konfessııalyq álemi; jaǵdaıy, táýekelderi, sheshý joldary» atty jıynǵa Ortalyq tóraǵasy Altaı Abıbýllaev, Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, sondaı-aq Reseı, Aýǵanstannan resmı meımandar qatysyp, sóz sóıledi. Jıynda negizinen Ortalyq Azııadaǵy dinı qaqtyǵystardyń aldyn alý jaǵy tereńirek qozǵaldy. Onlaın konferentsııada sóz alǵan Ershat Aǵybaıuly bizdiń elimizde ótip turatyn iri bastamalardyń mańyzyna toqtaldy. Atap aıtqanda Búkilálemdik Dinder seziniń maqsaty jaıly aıtyp ótti.

«Qazir elimizde 18 túrli konfessııanyń 3,5 myńnan astam dinı sýbektisi tirkelgen eken. Osyndaı ár alýandyq aıasynda biz ulttyq qaýipsizdikti qamtamasyz etý men dinı bostandyqtardy qorǵaý arasyndaǵy tepeteńdikti taba aldyq. Nege? Óıtkeni bizdiń eldiń basym kópshiligi Islam dinin ustanady. Al Islam sóziniń ózi beıbitshilik degen maǵynaǵa saıady. Islamnyń taǵy bir maqsaty: adamzatqa degen súıispenshilik, adam quqyǵyna qurmet etýdi júrekke ornyqtyrý arqyly qoǵamdaǵy beıbitshilik pen tynyshtyqty saqtaý. Dinimiz bul maqsatta kóptegen qaǵıdalar qoıǵan. Bir-birimizdi syılaý, basqalardyń quqyǵyna qurmet kórsetý naǵyz musylman bolýdyń sharty» dedi naıb múftı.

Pіkіrler Kіrý