QMDB: JYLDY QORYTYNDYLAÝǴA ARNALǴAN TÓRALQA MÁJILISI BASTALDY (FOTO)

Elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń jetekshiligimen 2023 jyldy qorytyndylaýǵa arnalǵan Tóralqa májilisi bastaldy. 

Jıyn qasıetti Quran Kárim aıattaryn oqýmen bastalyp, Bas múftı el amandyǵy men tynyshtyǵy úshin duǵa tiledi. Budan keıin QMDB Tóraǵasy elimizdiń ár óńirinen kelip otyrǵan ókildikterdiń bas ımamdarynyń, sondaı-aq din qyzmetkerleriniń jyl boıyna atqarǵan jumysyna oń baǵa berip, sáttilik tiledi. 

«Kórnekti ǵalym Hasan ál-Basrı (Alla ony raqymyna alsyn) bir sózinde: «Musylman kisi árqashan «ne sóıledim, qandaı nárse jedim, ne ishtim?» dep ózin-ózi árqashan esepke alyp otyrady. Jaqsy adam árqashan óz janyn tergep turady» degen eken. Rasynda múmin adam óz nápsisin tárbıeleýshi. Ol Allanyń razylyǵyn kózdep, ózin-ózi esepke alady. Shyn máninde ózin osy dúnıede esepke alǵandar úshin o dúnıeniń esebi jeńil bolady. Biz búgin Alla razylyǵy úshin bir jyl boıy atqarylǵan jumystarymyzdyń esebin berý úshin osy zalǵa jınalyp otyrmyz. Alla Taǵala árbir isimizdiń tarazyda aýyr tartýyn násip etkeı» dedi Naýryzbaı qajy Taǵanuly.

Aıta keteıik, búgin Dinı basqarmanyń elimizdiń ár óńirindegi ókildikteriniń bas ımamdary 2023 jyly atqarǵan jumys esebin baıandaıdy.

​