Qunanbaı qajy meshitinde qaıta jóndeý jumystary bastaldy (FOTO)
QMDB-nyń 30 jyldyǵy qurmetine atqarylatyn 30 ıgi shara bastamasy aıasynda Qaraǵandy obysynyń bas ımamy Ómirzaq qajy Qazkenulynyń bastamasymen Qarqaraly aýdanyndaǵy Qunanbaı qajy meshitine qalpyna keltirý jumystary, ıaǵnı restavratsııa jasalyp jatyr.
Qunanbaı qajy meshiti – elimizdegi jalpyulttyq qasıetti nysandar men keshender tizimine engen tarıhı, áleýmettik mańyzy zor nysan. Meshittiń salynýyna 1849-1853 jyldary Qarqaraly okrýginiń aǵa sultany Qunanbaı Óskenbaıuly (Abaıdyń ákesi) zor eńbek sińirdi. Sondyqtan bul meshit Qunanbaı qajy meshiti atanyp ketti. 160 jyldan astam tarıhy bar Qunanbaı qajy meshiti búginde ótken ǵasyrdan kórinis beretin dinı oryn ǵana emes, uly tulǵalar ómirinen syr shertetin biregeı qurylys nysany bolyp otyr.
