QURAN KÁRIM BAIQAÝLARYN ÓTKIZÝDIŃ HALYQARALYQ TÁJIRIBESI TALQYLANDY

Lıvııa eliniń Benǵazı qalasynda Quran Kárim baıqaýlaryn ótkizýdiń halyqaralyq tájirıbesin talqylaý jıyny ótti. Oǵan QMDB Quran sektorynyń meńgerýshisi Serik qarı Ahmet qatysty.

Quran Kárimdi jatqa oqýdan XII Halyqaralyq baıqaý aıasynda uıymdastyrylǵan sharaǵa álemniń ár elinen kelgen qarılar, Quran baıqaýlaryn uıymdastyrýǵa jaýapty mamandar qatysty. Qazaqstan atynan sóz sóılegen Serik Polathanuly jıyn qatysýshylaryna Bas múftı Naýryzbaı qajy Taǵanulynyń sálemin jetkizip, elimizde dástúrli túrde uıymdastyrylyp júrgen Quran Kárimdi jatqa jáne mánerlep oqýdan respýblıkalyq baıqaýy, sondaı-aq 2023 jyly Astanada tuńǵysh ret ótken halyqaralyq Quran jarysy jóninde maǵlumat berdi.

Aıta keteıik, Lıvııa memleketinde 62 elden 102 qarı baq synaǵan XII Halyqaralyq baıqaýǵa elimizdiń atynan Abdýlǵanı Mırbolatuly qatysqan bolatyn.

​