Quran kitabyn kestelep shyǵýǵa 30 jylyn arnaǵan

Madına qalasyndaǵy Qasıetti Quran mýzeıi taǵy bir dúnıemen tolyqty. Bul joly mýzeı sóresine aq mataǵa kestelenip, keıinnen arnaıy túptelgen erekshe Quran kitaby qoıyldy.

Belgili saýdııalyq bloger Ahmad ar-Rýmah óziniń áleýmettik paraqshasynda bul Quran kitabynyń Pákistannan ákelingenin aıtady. Qundy eńbektiń ıesi Nasım Ahtar esimdi áıel kórinedi.

Aq mata betine qasıetti aıattardy kesteleýdi ol alǵash 1987 jyly bastaǵan eken. Kóz maıyn taýysyp, qol kúldiretken kúrdeli jumysty aıaqtap shyǵýǵa otyz jyldan astam ýaqyty ketipti. Nasımnyń aıtýynsha, ol óz jumysyn únemi tań namazynan soń tek dáretti qalpynda jasaǵan.

Osylaısha, eńbeginiń jemisin Nasım Ahtar Madına qalasyndaǵy Qasıetti Quran mýzeıine tartý etip, oılaǵan maqsatyn otyz jyldan soń oryndap otyr.