«QURAN – SÓNBES SÁÝLE, JARYQ NUR» ATTY ÁLIPPEMEN QOShTASÝ MEREKELIK ShARASY ÓTTI (FOTO)

Búgin «AQ MESHIT» meshitinde Quran álippesin aıaqtap, tájýıdke túsken búldirshin shákirtter men apalardyń álippemen qoshtasý sharasy ótti.

«Quran – sónbes sáýle, jaryq nur» atty merekelik sarynda ótken sharaǵa meshittiń bas ımamy Dáýren Múslımov, QMDB Astana qalasy ókildigi Áıel-qyzdar sektorynyń meńgerýshisi Elmıra Buharbaeva qatysty. 

Sharanyń basty maqsaty búldirshinderdiń kóńiline Quranǵa degen mahabbatty uıalatyp, kóńilderinde ádemi estelik qaldyrý, sondaı-aq Quran tájýıdine túsken apa-qaryndastarymyzdy odan ári sharshamaı saýat ashýǵa yntalandyrý, talaptandyrý. 

Jıynnyń shymyldyǵy naqyshyna keltirip oqylǵan Quran súresimen ashyldy. Sonan soń bas ımam Dáýren Múslımov quttyqtaý sózin aıtyp, búldirshinderge alǵys hat syılap, taqııa kıgizip, Quran kitabyn syılady.

Al QMDB Astana qalasy ókildigi Áıel-qyzdar sektorynyń meńgerýshisi Elmıra Buharbaeva  kóziniń maıyn taýysyp qasıetti kitapty oqýdy úırenip júrgen qart apa-ájeler men eresek shákirtterge ári qaraı da bilim jolynda talaptanýǵa shaqyryp, alǵys hat pen Quran kitabyn tabystady.  

Sharany uıymdastyrǵan «AQ MESHIT» meshitiniń ustazy Aıgúl Bıtasqyzy bul sharanyń maqsaty Quranǵa túsken apalarymyz ben búldirshin qyzdardyń yntasyn arttyryp, ary qaraı talaptanyp, bilim alýǵa shaqyrý ekenin aıtyp.  

Búgingi kúni «AQ MESHIT» meshitiniń qyz-kelinshekter jamaǵatynan ár túrli jastaǵy 50 shákirt Quran álippesimen qoshtasyp, tájýıdke tústi.

Источник: Aidos