Qurban-2021 qorytyndysy: QMDB 99 254 januıaǵa qurbandyq etin úlestirdi (FOTO)
QMDB Tóraǵasy, Bas múftı Naýryzbaı qajy Taǵanulynyń bastamasymen eldegi pandemııa jaǵdaıyna baılanysty ekinshi jyl qatarynan qashyqtan qurban shalý jobasy júzege asyryldy.
20-22 shilde aralyǵynda ótken musylmandardyń ulyq merekesi – Qurban aıt kúnderi Qurban2021.kz saıty arqyly tolyqtaı onlaın jáne keı óńirlerde jartylaı dástúrli formatta qurban shalyndy. Osydan bir aı buryn merekege oraı arnaıy qurylǵan jumys shtaby qurban shalý rásimderin respýblıka kóleminde uıymdastyrýdy qolǵa alyp, búginde júıeli jumysyn sátti aıaqtap otyr.
Qoryta aıtsaq, elimiz boıynsha Qurban aıt kúnderi Qurban2021.kz saıtyna 2 901 tapsyrys berilse, 9 317 muqtaj otbasydan et alý jóninde ótinish kelip túsken. Respýblıka boıynsha 981 shtab qurylyp, 146 qasaphanada 691 qasapshy tapjylmaı jumys istese, 1450 kólik pen 3 034 erikti jumyldyryldy.
Elimiz boıynsha onlaın jáne keıbir óńirlerde dástúrli formatta ótken qurban shalý rásimi barysynda jalpy sany 17 221 mal soıylsa, onyń 14 804-i – qoı, 823-i – eshki, 1573-i – sıyr, al túıe sany – 21. Osylaısha 714 tonna et 99 254 otbasyǵa din qyzmetkerleri jáne eriktilerdiń kómegimen jetkizilip berildi. Qurbandyq eti arnaıy mekemelerge de taratylǵanyn aıta ketken jón. Máselen keıbir óńirlerde múgedekter qory, zaǵıptar qory, jetimder, balalar úıleri men ardagerlerge eriktiler qurban etin esiginiń aldyna deıin aparyp berdi.
Osy oraıda QMDB jáne barsha din qyzmetkerleri, ımamdar qurban shalý rásimine atsalysqan barsha aqjúrek azamattarǵa, jany jomart kásipkerler men eriktilerge sheksiz alǵysyn bildiredi. Elimiz indet pen túrli aýyrtpashylyqtan aman bolyp, jyldan esen aıttan aıtqa jete bergeı! Alla Taǵala bizden jáne sizderden qabyl etsin!
