QURBAN AITQA QATYSTY TÓRALQA MÁJILISI ÓTTI

Búgin Astanada Bas múftı Naýryzbaı qajy Taǵanulynyń tóraǵalyǵymen Qurban aıtqa qatysty Tóralqa májilisi ótti.

Jıynǵa QMDB qyzmetkerleri men oblys Bas ımamdary qatysty. Bas múftı Qurban aıt merekesin joǵary deńgeıde uıymdastyrýdyń mańyzdylyǵyna toqtalyp, naqty tapsyrmalar berdi.

Qurban aıtqa qatysty sharıǵı máseleler boıynsha naıb múftı Sansyzbaı Qurbanuly baıandady. Qajylyq mıssııasynyń atqaratyn jumystary jóninde naıb múftı Kenjetaı Baıkemeluly málimet berdi.

Qurban aıtqa daıyndyq jumystary boıynsha Din men dástúr bóliminiń meńgerýshisi Nurbek Áýeshanuly baıandama jasady. Aqparattyq-nasıhat jumystarymen Aqparat jáne qoǵammen baılanys bóliminiń meńgerýshisi Nursultan Sábıtuly tanystyrdy.

Qaıyrymdylyq baǵytyndaǵy jumystar týraly «Zeket jáne qaıyrymdylyq» qorynyń dırektory Maqsatbek Maqsotuly málimet berdi. Saıt pen tsıfrlyq jumystardyń jaı-kúıi týraly Tsıfrlyq damý bóliminiń meńgerýshisi Tımýr Serikqanuly baıandady.

​