«Raısa ana» meshiti turǵyndar arasynda vıktorınalyq oıyn ótkizdi (FOTO+VIDEO)

Nur-Sultan qalasyndaǵy «Rahymqyzy Raısa ana» meshitiniń uıytqy bolýymen keshe «1000 jylda bir týatyn tulǵalar» atty Elorda turǵyndary arasynda vıktorınalyq oıyn ótkizildi. Elorda tórindegi «Hanshatyr» saýda ortalyǵynda ótken bilim saıysynyń negizgi suraqtary ultymyzdyń maqtanyshy, uly tulǵalar Abaı Qunanbaıuly men Ál-Farabı babamyzdyń ómirine arnaldy.

Danyshpan babalarymyzdyń bıylǵy jylǵa dóp kelgen mereıtoılaryna oraı qoǵam arasynda qundy muralaryn nasıhattap, urpaq sanasyna sińirýge baǵyttalǵan bul shara aıasynda 30-ǵa jýyq jan tosyn suraqtarǵa múdirmeı jaýap berip, qaýmalaǵan kópshilik pen uıymdastyrýyshlardyń kóńilinen shyǵyp, óz bilimderimen tánti etti.

Aıta keteıik, vıktorınalyq oıynǵa qatysýshylardyń barlyǵy uıymdastyrýshylar atynan arnaıy syılyqtar berildi.