«RAISA ANA» MEShITINDE DÁRIGERLERMEN KEZDESÝ ÓTTI (FOTO)

QMDB Astana qalasy ókildigine qarasty «Raısa ana» meshitinde №3 polıklınıkada qyzmet atqaratyn gınekolog dárigerler Danagúl Qarabaeva men Dınara Týsýpbekovanyń qatysýymen «Jatyr moıyny isigi» aýrýyna qarsy egiletin vaktsınanyń mańyzy týraly túsindirme jumystary júrgizildi.

Kezdesýge «Áziret Sultan» meshitiniń ustazy, «Ájeler mektebi» klýbynyń jetekshisi ustaz Kúlsara Beketqyzy men áıel jamaǵaty qatysty.

Bilikti dárigerler mektep jasyndaǵy 11 jastan asqan jetkinshek qyzdarǵa salynatyn ekpeniń paıdalary týraly aıta otyryp, balalaryna vaktsınany qabyldaý ne qabyldamaý ata-analardyń óz erkinde ekenin de qaperge saldy.

Aıta ketsek, statıstıka boıynsha elimizde qaterli isikpen aýyratyn adamdar sany óte kóp. Sol sebepti em-dom sharalaryn ýaqytyly júrgizip, aýrýdyń aldyn alý búgingi kúni óte ózekti máseleler qatarynda.

Источник: Aidos