«RAISA ANA» MEShITINIŃ ÁIEL JAMAǴATY MÁÝLIT MEREKESIN ÓTKIZDI (FOTO)

QMDB  Astana qalasynyń ókildigi Áıel-qyzdar sektorynyń uıymdastyrýymen «Raqymqyzy Raısa ana» meshitinde «Saǵyndym seni Muhammed» atty rýhanı máýlit keshi ótti. Berekeli basqosýǵa Áıel-qyzdar sektorynyń Astana ókildigi boıynsha meńgerýshisi Elmıra Buharbaeva, «Ǵylmanı» meshitiniń ustazy Kóksegen Aıgúl qatysyp, áıel jamaǵatyna Máýlit merekesiniń mańyzy jaıly tushymdy nasıhat aıtty.

Qasıetti Quran aıattarymen bastalǵan merekelik shara aıasynda Paıǵambarymyzǵa salaýat aıtylyp, Súıikti Elshisiniń ónegeli ómiri nasıhattaldy. Máýlit aıyn ulyqtap, onyń mán-mańyzyn jas urpaqqa jetkizý maqsatynda arnaıy ázirlengen beınebaıan kórsetildi.

Shara sońynda «Rahymqyzy Raısa ana» meshitiniń shákirtteri arasynda uıymdastyrylǵan Salaýat jarysynyń júldegerleri marapattalyp, arnaıy «Alǵys hat» pen syılyqtar tabystaldy.

Источник: Aidos