«RAHYMQYZY RAISA ANA» MEShITINDE TURAR RYSQULOVTYŃ 130 JYLDYǴYNA ORAI SEMINAR ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Rahymqyzy Raısa ana» meshitinde bıylǵy «Islam jáne dástúr qundylyǵy» jyly aıasynda memleket qaıratkeri jáne jazýshy Turar Rysqulovtyń 130 jyldyǵyna oraı jamaǵatqa arnalǵan semınar ótti.

Meshit ımamdary jınalǵan jurtshylyqqa el úshin emirenip qyzmet etken, ult úshin tar jol, taıǵaq keshken babalarymyzdyń eńbegin aıta kele, Turar atamyzdyń ómir jolyna toqtaldy.

Aıta ketsek, Turar Rysqulov 1894 jyly 26 jeltoqsanda Jetisý oblysy, Vernyı ýezinde dúnıege kelgen. Balalyq shaǵy qıyndyqpen ótken jas Turar basyna túsken aýyr synaqtarǵa qaramaı bilim jolyna nyq qadam basady. Basqynshyl bıliktiń tize batyrý saıasatyna qaramaı, jantalasyp otyryp búkil ómirin ult úshin qyzmet etýge arnady. El úshin otbasyn, janyn qurban etken babamyz 1937 jyly «halyq jaýy» degen aıyppen tutqynǵa alynyp, Máskeý túrmesinde júrek aýrýynan qaıtys boldy.

Babalarymyzdyń bolashaq urpaq úshin júrip ótken sara joly biz úshin óshpes ónegelerge toly. Kórnekti qazaq jazýshysy, memleket qaıratkeri Sherhan Murtazanyń «Qyzyl jebe», «Juldyzdy kópir», «Qyl kópir», «Tamuq» atty roman hamsasynda Rysqulov kelbeti somdalǵan.

Tulǵalar tarıhyna oısha shomyp, mol taǵylym alǵan jamaǵatpen jıyn sońynda babamyzdyń atyna Quran hatymy baǵyshtalyp, duǵa jasaldy.