RANT MÚShESI ASTANA JAMAǴATYMEN KEZDESTI (FOTO)

Astana qalasyna resmı issaparmen kelgen QMDB RANT múshesi, ıslamtanýshy, «Aqtóbe» medrese kolledjiniń dırektory Daýrenbekov Abdimútáli Qaınazaruly  birqatar kezdesýler ótkizip, Elorda jamaǵatyna ýaǵyz-nasıhat jumystaryn júrgizdi. Abdimútáli Qaınazaruly  birneshe meshit jamaǵatymen júzdesip, «Astana» medrese-kolledjiniń stýdentterine dáris oqydy. Bas-aıaǵy 10 kezdesý ótip,  2300-deı adam qamtyldy.

Atap aıtqanda, «Ál-Ǵanı» meshitinde «Talaq máselesin» qozǵasa, «Abu Nasr Al-Farabi» meshitinde «Musylmanǵa tán sıpattar», «Aq meshit» meshitinde «Nápil orazalar» jaıynda, jańadan boı kótergen «Al-Fattah» meshitinde «Qazaq aǵartýshylarynyń dindegi róli» taqyrybynda juma ýaǵyzyn, «Raqymqyzy Raısa ana» meshitinde «Araq jáne qumar oıynynyń zardaby», «Sádýaqas qajy Ǵylmanı» meshitinde  «Zınaqorlyqtyń zardaby» taqyryptarynda ýaǵyz-nasıhat júrgizdi. Sondaı-aq, Astana qalasynyń bas ımamy Erbolat nuryldaulymen jáne «Áziret Sultan» meshitiniń jamaǵatymen erkin taqyrypta suhbattasty.

RANT múshesi tek meshit jamaǵatymen kezdesip qoımaı, birneshe mekemelerge de baryp, dáris oqydy. Máselen, Astana SES departamenti memlekettik mekemesinde «Jat dinı aǵymdardan saqtaný joldary», BTs «Nur-Sáýlet» MM mekemesinde «Dıstrýktıvti dinı aǵymdardyń zardaby» taqyryptarynda dáris oqydy. Abdimútáli Qaınazaruly Astanaǵa kelgen issaparynda  «Hýsamıddın Ás-Syǵanaqı» Islam Instıtýtynda «Dinı bilim alýdyń mańyzdylyǵy» týraly jáne «Astana» medrese-kolledjiniń shákirtterimen kezdesý ótkizip Paıǵambardy jaqsy kórý týraly  taǵylymǵa toly nasıhatyn aıtty.