RESPÝBLIKA KÚNI QARSAŃYNDA ELORDA IMAMDARY ARASYNDA ULTTYQ OIYNDAR SPARTAKIADASY ÓTTI

25 qazan – Respýblıka kúni merekesi qarsańynda Astana qalasynyń bas ımamy Nurbek qajy Áýeshanulynyń basshylyǵymen «Din men dástúr» jáne Jastar isi sektory baǵyty aıasynda elorda meshitteriniń ımamdary arasynda ulttyq oıyndar spartakıadasy uıymdastyryldy.

Sporttyq dodada qatysýshylar asyq atý, sadaq atý, qol kúres, gir kóterý, láńgi tebý jáne arqan tartý túrleri boıynsha baq synady. Ulttyq sport túrlerinen ótken jarysta ımamdar eptilik, mergendik, kúsh pen tózimdilik tanytyp, komandalyq uıymshyldyqtyń úlgisin kórsetti.

Qala bas ımamy Nurbek qajy Áýeshanuly ulttyq oıyndardyń mańyzyna toqtalyp, qatysýshylarǵa izgi tilegin bildirdi.

«Barshańyzǵa Respýblıka kúni merekesi qutty bolsyn. Búgingi saıys sol merekeniń qurmetine uıymdastyrylyp otyr. Halqymyzda «Táni saýdyń – jany saý» degen jaqsy sóz bar. Din qyzmetkeri úshin rýhanı bilimmen qatar densaýlyqqa kóńil bólý de mańyzdy. Al ulttyq oıyndar – halqymyzdyń baı murasy men salt-dástúrin dáripteıtin qundylyq. Mundaı jarystar salaýatty ómir saltyn nasıhattap qana qoımaı, ulttyq qundylyqtarymyzdy jańǵyrtýǵa, áriptester arasyndaǵy baýyrlastyq pen yntymaqtastyqty nyǵaıtýǵa yqpal etedi. Barsha qatysýshylarǵa belsendilikteri úshin alǵys aıtamyn. Árqaısyńyzǵa myqty densaýlyq, otbasylaryńyzǵa amandyq, qyzmetterińizge bereke tileımin», – dedi bas ımam.

Spartakıada qorytyndysy boıynsha jeńimpazdar men belsendi qatysýshylar alǵys hattarmen jáne aqshalaı syılyqtarmen marapattaldy.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aisha