RESPÝBLIKA KÚNI QARSAŃYNDA TÓRALQA MÁJILISI ÓTTI

Búgin QMDB Tóraǵasy, Bas múftı Naýryzbaı qajy Taǵanuly tóraǵalyǵymen Respýblıka kúni qarsańynda Tóralqa májilisi ótti.

Keleli jıynda Bas múftı ujym qyzmetkerlerin kele jatqan 25 qazan - Respýblıka kúnimen quttyqtady.

«Rasynda elimizdiń órkendeýi men qoǵamnyń turaqtylyǵy árbir azamattyń adal eńbegi men ortaq múddege degen janashyrlyǵyna baılanysty. Otanǵa qyzmet etý degenimiz – týǵan eldiń damýyna úles qosý, ulttyq qundylyqtardy saqtaý, urpaq tárbıesine jaýapkershilikpen qaraý jáne qoǵamda izgilik pen ádilettilikti ornyqtyrý.

Endeshe, el ıgiligi jolyndaǵy árbir adal isimiz ben ortaq maqsatqa baǵyttalǵan eńbegimiz memleketimizdiń mereıin ústem ete bergeı.

Osy mereıli merekede barshańyzǵa zor densaýlyq, otbasylaryńyzǵa amandyq, shańyraqtaryńyzǵa shattyq pen bereke tileımin! Táýelsizdigimiz tuǵyrly, birligimiz bekem, elimizdiń bolashaǵy jarqyn bolsyn», - dep tiledi QMDB tóraǵasy.

Budan bólek, Bas múftı jýyrda ujymda birqatar aýys-túıis bolǵanyn atap ótti.

Máselen, Shyńǵyshan Japparhanuly «Dinı bilim jáne kadr daıyndaý» bólimine qarasty «Quran sektoryna» meńgerýshi bolyp taǵaıyndaldy.

Dosjan Erkinuly «Ýaǵyz-nasıhat» bólimine maman bolyp taǵaıyndaldy.

Baǵyjan Erbolatuly naıb múftı Ermek Qasbolatulynyń kómekshisi bolyp taǵaıyndaldy.

Nurbolat Serikuly «Din men dástúr» bólimine qarasty «Jastar isi» sektoryna meńgerýshi bolyp taǵaıyndaldy.

Hamzat Qajymuratuly «Múftııat baspasy» janynan ashylǵan «Aýdarmashylar» sektorynyń meńgerýshisi bolyp taǵaıyndaldy.

Sonymen qatar «Aqparat jáne qoǵammen baılanys» bóliminiń mamany qyzmetine Aqan Jumabıdenuly taǵaıyndaldy.

Jıyn sońynda Bas múftı jańa qyzmetke kelip jatqan barsha áriptesterge sáttilik tilep, qyzmetterin yjdaǵatpen, yqylaspen atqarady dep senim bildirdi.

​