RESPÝBLIKA KÚNI QUTTY BOLSYN!
Ardaqty aǵaıyn!
Sizderdi egemen elimizdiń basty ári ulttyq merekemiz – Respýblıka kúnimen shyn júrekten quttyqtaımyn! Armanymyzdyń asqary, baqytymyzdyń bastaýy bolǵan táýelsizdigimizdiń tuǵyry bıik bolǵaı! Ár otbasyǵa birlik pen bereke, baqyt pen tabys tileımin!
Respýblıka kúni – rýhymyzdy kóterip, egemen eldiń eńsesin tikteıtin sát. Bul rette óskeleń urpaqty ultjandylyqqa, otanshyldyqqa tárbıeleýdiń mańyzy zor. Óıtkeni egemendik – el úshin janyn bergen erlerdiń erligimen kelgen uly kún. Ony búgingi urpaq umytpaýǵa tıis. Sondyqtan Memleket basshysy, qadirli Qasym-Jomart Kemeluly aıtqandaı, bul Egemendik kúnin elimizdiń basty merekesi retinde atap ótýimiz kerek.
Qadirli otandastar!
Basyn báıgege tigip, bodandyq qursaýynan shyǵýǵa umtylǵan babalar rýhyna taǵzym etip, Quran baǵyshtaý, bozdaqtarǵa duǵa jasaý – merekeniń tárbıelik mánin arttyra túsetin saýapty isterdiń biri. Qazaqstan musylmandary dinı basqarmasy halyqtyń ulttyq rýhy men aıbynyn asqaq ete túsý úshin birqatar ıgi jobalardy júzege asyryp keledi. Barshańyzdy ortaq maqsat jolynda birigip, tize qosyp, is qylýǵa shaqyramyn. Alash arysy Álıhan Bókeıhan aıtqandaı, halyqtyq maqsat sonda oryndalady.
Egemen elimizdiń bolashaǵy jarqyn, táýelsizdigimiz baıandy bolǵaı. Alash jurtynyń alǵa qoıǵan maqsaty oryndalǵaı. Ámın!
Naýryzbaı qajy TAǴANULY
QMDB Tóraǵasy, Bas múftı
