«S. ǴYLMANI»: QMDB DINI OŃALTÝ BÓLIMINIŃ MAMANY MEShIT JAMAǴATYNA DÁRIS ÓTKIZDI (FOTO)

Astana qalasyndaǵy «Sádýaqas qajy Ǵylmanı» meshitinde QMDB Dinı ońaltý bóliminiń mamany, bilikti ustaz Jarbol Bolatuly jamaǵatqa «Allany jaratylysqa uqsatý týraly kúmándardan arylý» taqyrybynda dáris júrgizdi.

Dáristiń negizgi maqsaty – jamaǵatqa Islamdaǵy durys senimniń negizderin túsindirip, kópshiliktiń kókeıin qate senimder men kúmándardan aryltý. Dáris barysynda jamaǵatqa taýhıd ustanymynyń mańyzdylyǵy, ıaǵnı Allany bir, teńdessiz, uqsassyz dep taný qajettigi keńinen túsindirildi.

Sondaı-aq, osy turǵydan Quran aıattary, Paıǵambarymyzdyń (s.ǵ.s) hadısteri men Islam ǵalymdarynyń eńbekterinen naqty dálelder keltirilip, jamaǵat arasynda kezdesetin túrli qate túsinikter men dinı máselelerdegi adasýshylyqtardyń arajigi tarqatyldy.

Jamaǵat dáristen mol rýhanı azyq alyp, dinı bilimderin jetildirýge múmkindik aldy. Mundaı taǵylymdy kezdesýler halyqtyń dinı saýatyn arttyryp, teris aǵymdardyń yqpalynan saqtandyrýda úlken ról atqarady.