«Sádýaqas Ǵylmanı» meshitinde árleý jumystary bastaldy (FOTO)

03 naýryz 2021 3856 0
Оqý rejımi

Kóńilderge jylý ala kelgen kóktem aıy bastalysymen Nur-Sultan qalasyndaǵy «Sádýaqas qajy Ǵylmanı» meshitinde árleý-jóndeý jumystary bastalyp otyr. 

Elordamyzdaǵy tarıhı meshitterdiń biri sanalatyn qulshylyq ordasy qalanyń el astanasyna aınalýynan keıin Elbasynyń tapsyrmasymen qaıta turǵyzylyp, sáýleti kelisti jańa ǵımarat  paıdalanýǵa berilgen bolatyn.

Mine, odan beri de shırek ǵasyrdaı ýaqyt ótip, meshit ǵımaratynyń jóndeý-árleý jumystaryna muqtajdyǵy baıqalyp kelgen bolatyn. Osy oraıda el Táýelsizdiginiń 30 jyldyq mereıtoıyna oraı, bas shahardaǵy tarıhı nysandardyń biri bolǵan Ǵylmanı meshitinde jóndeý, árleý jumystary júrgizilýde.

Árleý jumysy Baıqońyr aýdandyq ákimdik pen jergilikti azamattar qarjylaı kómek qolyn sozýynyń arqasynda iske asyp otyr.

Pіkіrler Kіrý