Sansyzbaı Qurbanuly Mysyrdaǵy konferentsııaǵa qatysty (FOTO)

Bas múftı Naýryzbaı qajy Taǵanulynyń arnaıy tapsyrmasymen QMDB Sharıǵat jáne pátýa bóliminiń meńgerýshisi Sansyzbaı Qurbanuly men Dinı basqarmanyń Mysyr Arab Respýblıkasyndaǵy turaqty ókili Rýslan Amantursynuly Kaır qalasynda ótken «Tsıfrlyq dáýirdegi pátýa ınstıtýttary: damý máseleleri men yntymaqtastyq mehanızmderi» atty halyqaralyq konferentsııaǵa qatysty.

Álemdik deńgeıdegi aýqymdy konferentsııany Dúnıejúzilik Pátýa uıymynyń Bas hatshylyǵy uıymdastyrdy. Halyqaralyq konferentsııaǵa Mysyr Arab Respýblıkasy Ádilet mınıstriniń keńesshisi Omar Marýan, Ýaqyp mınıstri doktor Mýhammad Juma, «Ál-Azhar» sheıhynyń orynbasary, doktor Mýhammad Dýını, Mysyr eliniń mýftıi Shaýqı Állám jane 85 memlekettiń múftıleri men din isteri jónindegi mınıstrleri qatysty.

Konferentsııada indet dáýiri men tehnologııalyq progress, pátýa berýde tsıfrlyq ádisterdi qoldaný máseleleri talqylandy. Úsh sektsııada ótken konferentsııada: «Pátýalar jınaǵy: shyndyq jáne bolashaqqa degen úmit», «Tsıfrlyq dáýirdegi pátýa máseleleri: damý máseleleri men tıimdi modelder» jáne «Epıdemııa kezindegi pátýalar: ádister men mehanızmder» taqyryby qozǵaldy.

Óz kezeginde Sansyz Qurbanuly Bas múftı Naýryzbaı qajy Taǵanulynyń sálemin jetkizip, tushymdy oı-pikirlerin bólisti. Sondaı-aq ıslamtanýshy-ǵalym Mysyr elinde oqyp jatqan Qazaqstandyq stýdenttermen kezdesti.