Semeı Ortalyq meshitiniń saıty Alashdin.kz bolyp ózgerdi

Semeı óńiriniń bas ımamy Asqar Ábitaıulynyń bastamasymen Qos munaraly ortalyq meshit saıtynyń ataýy Alashdin.kz bolyp ózgerdi.

Ardaqty Paıǵambarymyz (oǵan Allanyń salaýaty men sálemi bolsyn) «Din – nasıhat» dep aıtqanyndaı, QMDB-nyń basty mindetiniń biri – ýaǵyz-nasıhat jumysyn jandandyrý. Osy baǵytta Semeı óńirine qarasty meshitterde aýqymdy jumystar júrgizilýde.

«Bizdiń basty muratymyz – zaman talabyna saı ýaǵyz-nasıhat jumysyn  uıymdastyrý. Búginde basym kópshilik aqparatty ınternet arqyly alady. Meshit saıtyn ózgertýdegi maqsatymyz – Alash qaıratkerleriniń izi qalǵan keshegi Alash qalasynda tól dinimizben qatar, ulttyq qundylyqtarymyzdy, Alash arystarynyń el táýelsizdigi jolyndaǵy eńbekterin nasıhattaý», – dedi Asqar Muqanov.

Sonymen qatar, Alashdin.kz saıty aldaǵy ýaqytta belgili abaıtanýshy, alashtanýshy ǵalymdarmen baılanys ornatyp, oqyrman nazaryna tyń materıaldar usynýdy josparlap otyr.