ShYMKENT: Imamdar arasynda Quran jarysy uıymdastyryldy

Búgin Qazaqstan musylmandary dinı basqarmasynyń Shymkent qalasy boıynsha ókildiginiń uıymdastyrýymen marqum Áshirbaı qajy Orashulynyń qurmetine ımamdar arasynda Quran jarysy uıymdastyryldy.

Atalmysh sharany QMDB-nyń Shymkent qalasy boıynsha ókil ımamy Baqtybaı Beısenbaev ashyp, barsha qatysýshylarǵa sáttilik tiledi.

Jarysqa QMDB-nyń Shymkent qalasy boıynsha ókil ımamy orynbasary M.Estemirov, «Yqylas» qarılar daıyndaý ortalyǵynyń dırektory Y.Maılan, «Saryaǵash» medrese-kolledjiniń ustazy B.Júsipov, «Yqylas» qarılar daıyndaý ortalyǵynyń ustazy K.Sadyqov, «Shymkent» medrese-kolledjiniń ustazy Ǵ.Oqqasov, Ortalyq meshittiń ustazdary O.Óztash, M.Sársenbaevtar tórelik etti.

Jarys úsh atalym boıynsha júrgizildi. Jarys barasynda «Imamdar arasynda mánerlep oqýdan» 1-shi oryn ıegeri «Narynbaı ata» meshitiniń ımamy M.Mırakmal, 2-shi oryn «A.Qattanı» meshitiniń naıb ımamy T.Aqtóre, «Baıǵut baba» meshitiniń naıb ımamy A.Medetbekov ıe boldy.

Sonymen qatar, jas qarılarymyzdy jigerlendirý maqsatynda qosymsha eki aınalym uıymdastyryldy. «Qarılar arasynda tolyq Quran boıynsha» 1-shi oryn ıegeri Z.Janǵazıev, 2-shi oryndy B.Jetkerbaı, 3-shi oryndy D.Ramazan alsa, al «Shákirtter arasynda 10 para boıynsha» 1-shi oryn A.Mahan, 2-shi oryn A.Karov, 3-shi orynǵa  A.Júnisov ıeger atandy. Al qalǵan qatysýshylarǵa ókildik tarapanan alǵys hat pen qarjylaı syı-sııapat berildi.

Aıta ketý kerek, osy jarysqa orys ultynyń ókili Andreı Mankeevıch degen azamat 10 para boıynsha qatysyp tańdaı qaqtyrdy.

Aıtýly sharanyń bas demeýshisi Áshirbaı qajy Orashulynyń urpaqtaryna alǵys aıtamyz.