Shymkent: Naıb múftı aqparattyq-túsindirý toptary (att) semınar-trenıngne qatysty (foto)

Búgin Shymkent qalasyna resmı saparmen QMDB tóraǵasynyń birinshi orynbasary, naıb múftı Naýryzbaı qajy Taǵanuly  oblystyq aqparattyq-túsindirý toptary (ATT) músheleriniń biliktiligin kóterý maqsatynda uıymdastyrylǵan semınar-trenıngine qatysty.

Semınar-trenınginde QMDB tóraǵasynyń birinshi orynbasary, naıb múftı Naýryzbaı qajy Taǵanuly  dinı basqarma tarapynan atqarylyp jatqan aýqymdy hám keshendi jumystary týraly aıtyp ótti.

Aıta ketý kerek, oblystyq din isteri basqarmasynyń «Din máselelerin zertteý ortalyǵy» MKM-niń uıymdastyrýymen ótken semınar-trenıngine elimizge tanymal teologııa jáne fılosofııa ǵylymdarynyń doktory, professor D.Kenjetaı, QR Qoǵamdyq damý mınıstrligi Din isteri komıtetiniń Islamdyq dinı birlestiktermen baılanystar basqarmasynyń bas sarapshysy N.Qabylov, Aqtóbe oblysy din isteri basqarmasynyń «Ańsar» aqparattyq-taldaý ortalyǵy KMM basshysy J.Súleımenov, Ońtústik Qazaqstan memlekettik pedagogıkalyq ýnıversıtetiniń aǵa oqytýshysy, tarıh ǵylymdarynyń kandıdaty Q.Anarbaevtar men Túrkistan oblysy jáne  Shymkent qalasy boıynsha ókildiginiń bas ımamdary qatysty.

Atalmysh sharanyń negizgi maqsaty elimizdegi dinı turaqtylyqty qamtamasyz etý, memlekettiń zaıyrly qaǵıdalaryn nyǵaıtý, destrýktıvti dinı uıymdardyń aldyn alý maqsatynda oblystyq aqparattyq-túsindirý toptary (ATT) músheleriniń biliktiligin kóterý, dinı Ekstremızmdi nasıhattaýdyń aldyn alý, ásirese ınternet pen áleýmettik jelide saqtaný sharalaryn jetildirý, qoǵamda kereǵar aǵymdarǵa qarsy turatyn biryńǵaı ımmýnıtet qalyptastyrý maqsatynda semınar-trenıng ótkizildi.

Jalpy, semınar-trenıngten ımamdarymyz mol aqparat alyp, qajetti maǵlumatarǵa ıe boldy.