Shymkentte «Hákim Abaı hám ıhsan ilimi» respýblıkalyq konferentsııasy ótti (FOTO)
Búgin Shymkenttegi M.Áýezov atyndaǵy Ońtústik Qazaqstan ýnıversıtetinde atalǵan oqý ordasy men QMDB Shymkent qalalyq ókildiginiń uıymdastyrýymen «Hákim Abaı hám Ihsan ilimi» respýblıkalyq ǵylymı-tájirıbelik konferentsııasy ótti.
Konferentsııany ashqan M.Áýezov atyndaǵy OQÝ-niń birinshi prorektory Qaırat Eńbekshiuly jıynǵa qatysýshylardy jyly qabyldap, rektor Darııa Perneshqyzynyń quttyqtaýyn jetkizdi. Sharaǵa arnaıy shaqyrylǵan QMDB Tóraǵasy, Bas múftı «Ihsan ilimi – tárbıe bastaýy» taqyrybynda baıandama jasap, Ihsan ilimin keńinen dáriptedi.
«Árbir ıgi isti shynaıy yqylaspen, rııasyz isteýdiń aqyrette adam balasyna paıdasy zor. Osy turǵydan alǵanda Ihsan ilimin qulshylyq pen jaqsylyqty rııasyz, shynaıylyqpen jasaýdy dep bilemiz. Shynaıylylyq, shynshyldyq –birtutas maǵynany bildiredi. Alla Taǵala qasıetti Quran Kárimniń birneshe aıatynda shynshyldardan bolýdy buıyrady. Qaıda bolsań da, meıli jalǵyz qalsań da, Allaǵa shynaıy yqylaspen qulshylyq etýiń Ihsan bolyp sanalady.
Adamdardyń kóbi ǵıbrat pen rııany shatastyrady. Imamdardyń izgi amaldaryn rııa dep emes, ózgelerge ǵıbrat dep qaraý kerek. Óıtkeni Paıǵambarymyz (oǵan Allanyń salaýaty men sálemi bolsyn): «Amaldar nıetke baılanysty», – degen. Adam balasynyń rýhanı nesibesi bolady. Ol – Allany tanýymyz. Jaratqanǵa degen yqylasymyz. Hákim Abaı:
Júrektiń kózi ashylsa,
Haqtyqtyń túser səýlesi.
Ishtegi kirdi qashyrsa,
Adamnyń hıkmet keýdesi, – deıdi. Júrektegi qyzǵanysh, maqtanshaqtyq, təkapparlyq dertiniń emi – Ihsan ilimi» dedi Naýryzbaı qajy Taǵanuly.
Sondaı-aq jıynda abaıtanýshy, ǵalym, professor Mekemtas Myrzahmetov Abaıdy taný, Ihsan ilimi jaıly óz oı-pikirin ortaǵa saldy. «Búginde Abaıǵa deıingi bolmys ózgerdi. Muny bolystyq júıe ózgertti. Sóıtip minezimiz de ózgerdi. Abaı burynǵy tárbıeni saqtap qalǵysy keldi. Ony barynsha saqtaýǵa tyrysty. Ol óziniń árbir sózinde izgilik, adamdyqty nasıhattady. Muhtar Áýezov Abaı murasyn, onyń «Tolyq adam» kontseptsııasyn nasıhattaı almady. «Abaıdyń Batysynan Shyǵysy basym» degeni úshin kóp synǵa ushyrady. Abaıdy zertteý úshin ǵylymı júıe kerek» dedi Mekemtas Myrzahmetov.
Jıynǵa sondaı-aq ýnıversıtet ustazdary Qaırat Saparhanuly, dotsent Aqjol Qalshabek, jas ǵalym Ázimhan Isabek qatysyp, Hákim Abaı men Ihsan ilimi jaıynda baıandama usyndy.
Konferentsııaǵa QMDB Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Bektazınov, Shymkent qalasynyń bas ımamy Baǵdaýlet Ábdrahmanov jáne onlaın júıede túrli sala mamandary qatysty.
