Shymkenttik jas qarılarǵa ýmra joldamasy berildi (FOTO)

Shymkent qalasynyń bas ımamy Baqdáýlet Abdrahmanovtyń qoldaýymen Shymkent ortalyq meshitinde jas qarılardy marapattaý is-sharasy ótti.

Dálirek aıtqanda, «Aıqap» meshiti janyndaǵy dinı saýat ashý kýrsynda 2018-2020 jyldar aralyǵynda qasıetti Quran Kárimdi tolyq jattaǵan jas qarılar Nurken Omarbaıuly, Tohır Bahramuly, Ádilet Nurlanuly, Baǵlan Tasbolatuly, Shyńǵyshan Jumabaıuly men Dýlat Qanyshulyna Umra qajylyq sertıfıkaty men QMDB Tóraǵasynyń orynbasary, naıb múftı Ershat qajy Aǵybaıulynyń «Qasıetti Quran maǵynasy men túsiniktemeleri» kitaby tartý etildi.

Munymen qatar, qala bas ımamy Baqdáýlet Nurmatuly ozat shákirt tárbıelep, qarılyq deńgeıge jetkizgen «Aıqap» meshitiniń ustazy Erasyl Qalqymanǵa jáne meshit janashyry Erlan Imanqulovqa Quran Kárim syılap, alǵys hatpen marapattady.